Советот за безбедност на ОН за утре свика вонредна седница на Генералното собрание, на која ќе се разговара за руската инвазија врз Украина, додека западните сојузници ја засилуваат дипломатската кампања за изолација на Москва.

Шефот на ЕУ дипломатијата, Жозеп Борел, ги соопшти деталите од одлуката за испраќање оружје во Украина за помош против руската агресија, јави дописничката на МИА од Брисел.

Руската авиокомпанија Аерофлот денеска соопшти дека ќе ги откаже сите летови до европските дестинации до понатамошно известување.

Министрите за финансии на Групата седум најразвиени земји ќе се состанат во вторник за да разговараат за итна помош за Украина, објави претседателот на Светска банка Дејвид Малпас.

Украинскиот претседател Володимир Зеленски „дефинитивно нема да биде дел од делегацијата во преговорите со Русија“. Тоа го изјави амбасадорката на Украина во САД, Оксана Маркарова.

Повеќе од 210 Украинци се убиени, а над 1.100 се ранети откако Русија ја почна инвазијата врз Украина, соопшти денеска Канцеларијата на Народниот правобранител на Украина, пренесе Укринформ.

Европската комисија денеска соопшти дека Европа, поради конфликтот во Украина, се соочува со најголемата хуманитарна криза во последно време и процени дека бројот на внатрешно раселените Украинци може да надмине седум милиони.

„Ова не е време да стоиме на страна. Ова е време да бидеме гласни и да ги осудиме постапките на претседателот Путин и Русија која изврши инвазија на суверена земја“, рече портпаролката на Белата куќа Џен Псаки во интервју за MSNBC.

Турција денеска ја промени својата реторика, нарекувајќи го рускиот напад врз Украина „војна“ и вети дека ќе спроведе делови од меѓународниот поморски договор за ограничување на минувањето на руските воени бродови од Средоземното Море до Црното Море.

Според овој руски сенатор, откако ваквите западни возила ќе преминат на украинска територија, каде што Русија врши „демилитаризација“, тие може да станат цел на хируршки прецизни напади.