Веднаш по признавањето, рускиот претседател Владимир Путин им нареди на вооружените сили на Руската Федерација да обезбедат мир во тие два региона во источна Украина.

По признавањето на Доњецк и Луганск, рускиот претседател Владимир Путин му нареди на Министерството за надворешни работи да воспостави дипломатски односи со регионите кои Русија од денеска ги смета за независни држави.

Седницата на украинскиот Совет за национална безбедност и одбрана (НСДЦ) е одложена на неодредено време, изјави вечерва прес-секретарот на претседателот на Украина Сергеј Никифоров.

Советот на Европа ја потврдува својата непоколеблива поддршка за суверенитетот и територијалниот интегритет на Украина во нејзините меѓународно признати граници.

Едностраниот чекор на Русија е јасно кршење на Договорот од Минск и тој чекор нема да остане без одговор, соопштија вечерва во заедничка изјава германскиот канцелар Олаф Шолц, францускиот претседател Емануел Макрон и американскиот претседател Џозеф Бајден.

Американскиот државен секретар Антони Блинкен во писмена изјава истакна дека САД го осудуваат признавањето независност на две територии во источна Украина од страна на рускиот претседател Владимир Путин, јави Си-Ен-Ен.

Тоа е „некомпатибилно со принципите на Повелбата на ОН“, додаде генералниот секретар на ОН во својата првична реакција.

Рускиот претседател Владимир Путин вечерва наредил распоредување војници за да се зачува мирот во регионите на источна Украина, Луганск и Доњецк, кои се под контрола на сепаратистите, а кои Москва од денеска ги признава како независни држави, јави ДПА.

Ако ништо друго, сите што се сомневаа можеа да се уверат дека Путин зборува од сосема поинаква перспектива. Тоа не беше само поинаква верзија на историјата, тоа беше говор од паралелен универзум, според Би-Би-Си.

Францускиот претседател Емануел Макрон ја осуди одлуката на Владимир Путин да ја признае независноста на проруските сепаратистички региони во источна Украина и повика на „целни европски санкции“ против Москва, јави дописникот на МИА.