Демонстрантите против строгите владини ограничувања наметнати од пандемијата, го зазедоа и пет дена го држат под блокада мостот „Амбасадор“, нарушувајќи ја меѓународната трговија.

Гласачите во Швајцарија денеска на референдум ќе одлучат дали нивната земја ќе биде првата во светот што ќе забрани тестирања врз животните. На граѓанското изјаснување ќе се разгледа и прашањето за заострувањето на контролата врз рекламирањето цигари.

По синоќешните разговори меѓу рускиот претседател Владимир Путин и неговиот американски колега Џо Бајден, официјален Кремљ ја осуди американската „хистерија“ околу Украина, прецизирајќи дека двајцата претседатели одлучиле „контактите да продолжат“.

Петмина членови на персоналот на Обединетите нации се киднапирани во јужен Јемен додека по завршената теренска мисија се враќале во Аден, соопштија Обединетите нации.

Руската армија соопшти дека регистрирала недозволен влез на американска подморница во руски територијални води и оти презела соодветни мерки подморницата да го напушти подрачјето.

Американскиот претседател Џо Бајден во денешниот телефонски разговор со рускиот колега Владимир Путин изјави дека ако Русија ја нападна Украина, САД заедно со сојузниците и партнерите ќе одговори со санкции против Москва.

Белата куќа соопшти дека американскиот и рускиот претседател, Џо Бајден и Владимир Путин телефонски разговарале за кризата околу Украина.

Демонстрантите организираа протестен марш низ центарот на Киев и извикуваа „Слава на Украина“, а носеа и транспаренти на кои пишуваше „Украинците ќе се спротивстават“ и „Напаѓачот мора да умре“.

Француската полиција употреби солзавец врз учесниците во Конвојот на слободата кои протестираа во Париз поради епидемиолошките мерки и вакцинација против Ковид-19, но и против социјалната политика.

Војниците кои ќе бидат повлечени се дел од Националната гарда Флорида, а одлуката е донесена како мерка на претпазливост, имајќи ја предвид безбедноста на војниците.