Цените на нафтата денеска се искачија на 91 долар на меѓународните пазари, поттикнати од загриженоста за снабдувањето поради геополитичките ризици во Источна Европа и на Блискиот Исток.

Бројот на починати во Европа во однос на оној на заразените, навестува дека омикрон е навистина „поблаг сој“.

Пратениците во Белгија започнаа со сослушувања на најреномираните епидемиолози во земјата во контекст на дебатата за задолжителна вакцинација, јави дописничката на МИА од Брисел.

Африканската унија денеска соопшти дека го суспендирала членството на Буркина Фасо до повторно воспоставување на уставниот поредок во таа западноафриканска земја.

Во објавата на Твитер тој напиша дека утрово добил позитивен тест. Канадскиот премиер истакна дека се чувствува добро и дека во текот на оваа седмица ќе продолжи да работи од далечина, следејќи ги препораките на здравствените власти.

Видео од мајка на осум деца, затворена во селска колиба, со синџир околу нејзиниот врат, предизвика бес и шок во Кина, јави Би-Би-Си.

Финска од утре ќе почне да ги олеснува ограничувањата воведени поради коронавирусот, а сите мерки ќе бидат укинати во рок од еден месец, изјави денеска премиерката Сана Марин.

На британскиот премиер Борис Џонсон му беше врачен долгоочекуваниот извештај од истражителите за забавите на кои тој и неговите соработници ги прекршиле строгите мерки против коронавирусот, но содржината не беше објавена бидејќи е во тек полициска истрага.

Европската комисија почна истрага за да утврди дали германската државна железничка компанија Дојче Бан и нејзината подружница ДБ Карго со ангажман за книжење загуби, ги прекршиле европските правила за државна помош.

Во понеделникот, 24 јануари, на одредени делови од автопатот, сообраќајни несреќи беа предизвикани од обилните снежни врнежи, кои тој ден го зафатија Истанбул.