Демонстрантите во Мјанмар денеска започнаа „тивок штрајк“ на национално ниво, кој ги затвори бизнисите и ги испразни улиците во нивниот последен обид да му пркосат на државниот удар, според локалните медиуми и учесници.

Во чест на убиениот саудиски новинар Џамал Кашоги, кој на брутален начин беше убиен од платеници во Турција, улицата на која во Вашингтон се наоѓа амбасадата на Саудиска Арабија ќе биде преименувана со неговото име, соопштија локалните власти.

Американските разузнавачки извори предупредуваат дека Кремљ на почетокот на следната година подготвува офанзива врз Украина на неколку фронтови и дека во неа ќе учествуваат дури 175.000 војници.

Чилеанскиот претседател Себастијан Пинера вчера го потпишал Законот за легализирање на истополовите бракови, откако тој претходно беше одобрен од Конгресот со историско гласање.

Украинскиот претседател Володимир Зеленски денеска му се заблагодари на својот американски колега Џо Бајден за „цврстата поддршка“ за Украина против руските закани, соопшти украинското претседателство.

Никарагва вчера ги прекина своите долгогодишни дипломатски врски со Тајван, префрлајќи ја верноста кон Пекинг како признавање на политиката на кинеската Комунистичка партија „Една Кина“.

Најмалку 53 мигранти загинаа во сообраќајна несреќа со два камиони во државата Чајапас во јужниот дел на Мексико, јави ДПА.

Австралија од 10 јануари ќе почне со администрирање на вакцини против Ковид-19 на деца на возраст од пет до 11 години, изјави денеска аврстралискиот премиер Скот Морисон, откако воведувањето на вакцината ги помина последните регулаторни пречки.

Исламските милитанти кои се борат против пакистанските безбедносни сили го прекинаа нивниот привремен прекин на огнот со владата, предизвикувајќи стравувања од обновување на насилството, јави ДПА.

Американскиот претседател Џо Бајден, на виртуелниот Самит за демократија, на кој присуствуваа околу 100 земји, денеска изјави дека на демократијата и се потребни „шампиони“.