Агенцијата за борба против наркотици на САД и на Мексико ќе формираат заеднички тим во Чикаго против мексиканските нарко картели, нивните водачи и финансии.

Поранешниот претседател на Уругвај, Хозе Мухика, кој додека ја извршуваше функцијата беше познат „како најсиромашен претседател на светот“, одби да ја прима пензијата што му следува за годините додека беше член на уругвајскиот Сенат.

Поранешниот директор на американската Централна разузнавачка агенција (ЦИА), Џон Бренан го обвини претседателот на САД за обид за ограничување на слободата на говорот и за казнување на критичарите, поради одлуката да му забрани пристап до доверливи информации.

Турција е подготвена да разговара со САД за своите моментални проблеми по услов да нема закани, изјави синоќа шефот на турската дипломатија Мевљут Чавушоглу.

Белата куќа синоќа ја осуди Турција поради тоа што двојно ги зголеми царините на американскиот увоз како одговор на мерките на Вашингтон кон турските производи.

Британската Национална агенција за криминал (НЦА) денеска уапси еден од најбараните луѓе во Европа, Флорин Гинеа, осомничен дека е глава на организирана романска криминална мрежа.

Италијанската компанија Аутостраде пер Л' Италија, оператор на мостот во близина на Џенова, при чие уривање загинаа 39 лица, денеска изрази уверување дека ќе докаже оти ги исполнила обврските од договорот за концесија за работа на тој мост.

Околу 300.000 бегалци кои ја напуштија Сирија за време на војната, се вратиле од странство во својата земја, изјави генерал-полковник Михаил Мизинцев од Центарот за национална одбрана на Русија.

САД наложија санкции на три претпријатија и едно физичко лице, обвинети за поддршка на трговските односи со Северна Кореја, и покрај ембаргото наложено на Пјонгјанг, соопшти американското Министерство за финансии.

Американските републиканци го критикуваа постерот на групата Перл Џем, на кој се гледа Белата куќа во пламен и орел кој колве човечки скелет.