Иранскиот врховен верски лидер ајатолахот Али Хамнеи забрани какви било директни разговори со САД, јави иранската државна телевизија.

Невработеноста во Австрија минатиот месец се намали за осум отсто во однос на истиот месец минатата година. Од таквиот развој најмногу профитирале младите Австријци, а намалувањето е многу помало кај странската работна сила.

Европската комисија порача дека е во постојан контакт со земјите членки на ЕУ за изнаоѓање решение за хуманитарниот брод „Аквариус“, кој е во потрага во европско пристаниште каде би ги истоварил мигрантите што во петокот ги спаси во Средозменото Море, јави допсиничката на МИА од Брисел.

Турција направи доволно за да ги подобри односите со САД, изјави денеска шефот на турската дипломатија Мевљут Чавушоглу. Тој додаде дека Вашингтон дејствувал спротивно на нивниот сојуз во поглед на суштинските безбедносни прашања.

Турското Министерство за внатрешни работи денеска соопшти дека ги презема „неопходните мерки“ во врска со објавите на социјалните мрежи за состојбата во економијата и курсот на турската лира, кои би можеле да имаат негативно влијание врз „економската безбедност на Турција“.

Во кениската долина Рифт на брегот на езерото Наиваш, нилски коњ нападна и усмрти турист од Кина, и повреди уште еден, соопштија денеска локалните власти.

Американскиот претседател Доналд Трамп повторно е цел на потсмев на социјалните мрежи, поради печатна грешка во една од своите објави на Твитер, каде што наместо „text messages“ (текстуални пораки), тој напиша „text mаssages“ (текстуални масажи).

Бројот на жртвите од земјотресот што го погоди индонезискиот остров Ломбок на почетокот од месецот, се искачи над 430 луѓе, додека материјалната штета се проценува на неколку стотина милиони долари.

Европската комесарка за правда, потрошувачи и полова еднаквост Вера Јoурова, во интервју за германскиот весник „Ди Велт“ ги повика романскиот власти да го ревидираат предлог-законот кој предизвика масовни протести против корупцијата во земјата.

Германија и нејзините европски сојузници нема да подлегнат на притисокот на САД за приклучување кон новите американски санкции кон Техеран, изјави германскиот министер за економија Петер Алтмајер, нагласувајќи дека ЕУ ќе проодлжи да ги поддржува компаниите што имаат бизнис врски со Иран.