Бугарската потпретседателка Илијана Јотова упати критики до руската амбасадорка во Софија, Елеонора Митрофанова. Како што јави дописникот на МИА од Софија, според Јотова, не е во ред рускиот амбасадор да не даде објаснување до бугарското Министерство за надворешни работи.

Реагираше и лидерот на опозициската Демократска партија, Љуљзим Баша, оценувајќи го изгласувањето на Резолуцијата како историски ден за мирот.

Генерал-полковник Роџер Клутиер ја поздрави одлуката на Бугарија да изгради борбена група на Алијансата и разговараше за можностите другите нации да учествуваат во неа за да се зголеми обуката и интероперабилноста на сојузниците.

Резервниот бригаден генерал Валентин Цанков е приведен од бугарските власти под сомнение дека шпионирал за Русија. Како што јави дописникот на МИА од Софија, Цанков работел заедно со советникот во политичкиот оддел на руската амбасада во Бугарија.

Претседателката на Косово, Вјоса Османи му се заблагодари на претседателот на Хрватска, Зоран Милановиќ за неговиот предлог на Косово да му се додели статусот на држава кандидат за зачленување во Европската унија, јави дописникот на МИА од Приштина.

Министерот за развој на Грција Адонис Георгиадис најави воведување плафон на профитната маржа за горивото, лебот, како и други производи, чија цена драстично се зголемува поради ситуацијата во Украина, јави дописничката на МИА од Атина.

Претставничката за односи со јавноста на косовското МНР, Ќендреса Фазлиу изјави за косовските медиуми дека тројцата Косовари кои денеска излегле од Украина престојувале таму на неколку дена поради деловни и бизнис причини.

Бугарското Министерство за надворешни работи прогласи двајца руски дипломати за персона нон грата и им даде 48 часа да ја напуштат земјата, изјави на вонреден брифинг портпаролот на министерството Митко Димитров.

Грчката Влада ја прифати препораката на Комисијата на епидемиолози при Министерството за здравство на Грција за укинување на задолжителната маска на отворено и одлуката во сабота ќе стапи во сила, јави дописничката на МИА од Атина.

Војната меѓу Русија и Украина и затворањето на воздушниот простор за руските граѓани може да донесе голема финансиска штета врз албанскиот туризмот, оценува претседателот на албанскиот туристички сојуз, Рахман Каса.