Лидерот на партијата Движење Самоопределување (ВВ), Албин Курти, кој се очекува да биде иден премиер на Косово, по победата на неговата партија на парламентарните избори на 14 февруари, на денешната средба со амбасадорот на Република Турција во земјата, Чагри Сакар најави дека е можно да ја преиспита одлуката на претходната влада за отворање амбасада во Ерусалим.

Во Брисел денеска се одржа единаесеттиот Совет за стабилизација и асоцијација помеѓу ЕУ и Албанија,при што Европската Комисија оцени дека Тирана е подготвена за првата меѓувладина конференција и ќе побара од земјите членки зелено светло, јави дописничката на МИА од Брисел.

Очигледно е дека постои притисок врз здравствениот систем, особено во Атика, со кој верувам дека управуваме многу задоволително, изјави грчкиот премиер Кирјакос Мицотакис за време на состанокот со Комисијата „Грција 2021“, која донираше мобилни кревети за одделенијата за интензивна нега, јави дописничката на МИА од Атина.

Нов контингент од 58,500 дози вакцини на „Фајзер-Бионтек“ пристигна во Србија, што преставува досега најголемата единечна испорака на вакцините на ова акомпанија.

Претседателот на Србија, Александар Вучиќ, во вторник ќе дојде во Сараево, каде што ќе им предаде контингент на вакцини против коронавирус на членовите на Претседателството на Босна и Херцеговина, пишува Дневни аваз.

Албанската министерка за здравство и социјална заштита Огерта Манастирлиу, на денешната пленарана седница на законодавниот дом, најави дека до средната на овој месец, во земјата ќе пристигнат на 14.000 дози вакцини од „АстраЗенека“, по што ќе започне имунизација на просветните работници и другите ранливи категории.

Очигледно е дека осудениот за 11 убиства Димитрис Куфодинас бара привилегиран третман вон рамките на законот. Уценува со штрајкот со глад што самиот го избра, рече портпаролката на грчката Влада Аристотелиа Пелони, на денешниот редовен брифинг со новинарите, јави дописничката на МИА од Атина.

Сите 11 ученици од Кочани кои учествуваа на светскиот натпревар во знаење и вештини „Бреин-о-бреин“ покажаа одлична подготвеност и освоија награди – две титули шампион, седум златни и два сребрени медала.

Подготовките за нова фаза на меѓупартиски дијалог во Србија, со посредство на европратениците, започнаа со видео конференција помеѓу претседателот на Собранието на Србија, Ивица Дачиќ и претседателот на Одборот за надворешна политика на Европскиот парламент, Дејвид Мекалистер.

Во ексклузивно интервју за Танјуг, специјалниот претставник на ЕУ, Мирослав Лајчак, во пресрет на посетата на Србија на 3 и 4 март порача дека не доаѓа во Белград со „ултиматум“, како и дeka Србија не треба да се плаши од обновената соработка меѓу ЕУ и САД за решавање на косовското прашање.