Косовската опозициска партија Движење Самоопределување (ВВ) бара вонредни парламентарни избори и за постигнување на таа цел ќе организира средби со граѓаните во сите градови на Косово за да ги мобилизира за протести за смена на Владата на Рамуш Харадинај и на шефот на државата Хашим Тачи, јави дописникот на МИА од Приштина.

Во Босна и Херцеговина се уште има голем број заостанати мини, но се работи на тоа да бидат целосно расчистени до 2025 година, изјави шефот делегацијата на Европска Унија во БиХ, Ларс-Гунар Вигемарк.

Поради неповолната хидролошка состојба што условува помало производство на електрична енергија, Албанија се наоѓа пред енергетска криза, јави дописникот во МИА.

Албанските вооружени сили денеска добија 37 блидирани возила, донација од Владата на САД.

Косовскиот премиер Рамуш Харадинај му испрати телеграма на генералниот секретар на НАТО, Јенс Столтенберг, со честитки за 70-годишнината од основањето на Алијансата, јави дописникот на МИА од Приштина.

Државниот секретар на НАТО, Мајк Помпео на приемот во Вашингтон по повод 70-годишнината од формирањето на НАТО, оцени дека Алијансата на Балканот се соочила со етнички судири, но во тој регион донела стабилност.

Во Белград денеска почна вториот Дигитален самит на економиите на Западен Балкан, на кој се присутни околу 4.000 учесници и 200 говорници од 30 економии, кои ќе ги претстават најновите трендови во областа на ИТ индустријата.

Високата претставничка за надворешна и безбедносна политика на ЕУ Федерика Могерини денеска ќе го претстави новиот мурал, посветен на односите меѓу Западен Балкан и Унијата.

На подрачјето на Белград, Банат и Поморавие е вклучен жолт и портокалов метеоаларм поради силен ветер, соопшти српскиот Републички хидрометеоролошки завод.

Брод на германската хуманитарна група „Морска стража“, кој од либиските територијални води спаси 64 мигранти, моментално нема дозвола за закотвување, соопшти денеска организацијата.