Припадник на косовската полиција и уште едно лице загинаа попладнево при обид за грабеж на банка во градот Исток во западно Косово, јави дописникот на МИА од Приштина.

Лидерот на српската опозициска Народна партија, Вук Јеремиќ, денеска изјави дека бојкот на изборите во Србија би имал смисла ако тоа биде заедничка одлука на целата опозиција.

Албанскот претседател Илир Мета со признанието „Витез на редот на знамето” постхумно го одликува Стерјо Спасе, познат албански писател со македонско потекло. Признанието го прими неговиот син Илинден Спасе, на научниот симпозиум “Животот и литературното дело на Стерјо Спасе”, што денеска се одржува во албанскиот град Корча.

Најавеното покачување на цените на патарините на автопатот „Игнација“ од 1 јануари нема да стапи во сила бидејќи се уште не постои одобрение од Европска комисија, изјави директорот на „Игнација“,Апостолос Антонудис, јави дописничката на МИА од Атина.

Грчки бизнисмен рано изутринава бил киднапиран пред неговиот дом во Пиреја, јави дописничката на МИА од Атина.

Над 50 свештеници, монаси и монахињи и членови на свештенички семејства од редовите на Српската православна црква (СПЦ) остануваат без дозвола за престој во Црна Гора, при што на околу 30 веќе им е даден рок од еден месец да ја напуштат државата, додека за останатите се очекува истото, изјави протојереј-ставрофор Велибор Џомиќ.

Албанскиот претседател, Илир Мета порача од Корча дека ширум ги отвора вратите на претседателската резиденција за дијаспората да ги одржи планираните протести.

Косовскиот вицепремиер Фатмир Лимај, кој е еден од двајцата претседавачи на државниот тим за преговори со Србија, изјави дека амбасадорите на петте најмоќни држави кои имаат дипломатски претставништва во Косово, му дале целосна поддршка на тимот за дијалогот меѓу Косово и Србија со посредство на ЕУ, јави дописникот на МИА од Приштина.

Возило на косовската полиција удри во автобус кој превезувал ученици од српска националност од село во близина на Грачаница, при што се повредени девет деца кои се надвор од животна опасност, јави дописникот на МИА од Приштина.

Од први јануари на граничните премини меѓу Албанија и Косово ќе функцонираат заеднички контроли.