Фатмир Лимај потпретседател на косовската влада и еден од двата шефови на новоизбраниот приштински тим за продолжување на дијалогот со Белград, изјави дека „барање за воена отштета“ ќе биде една од 15-те теми за завршување на тој процес.

Во Белград и покрај снежното време, повеќе илјади граѓани одржаа синоќа протест против актурлната власт на претседателот Александар Вучиќ, под називот „Ајде да се преброиме“, после минатонеделниот протест кој беше под слоганот „Стоп на крвавите кошули“.

Ако Македонија не го смени своето однесување, нема да гласам за нивен влез во ЕУ и НАТО, изјави бугарскиот министер за одбрана Красимир Каракачанов, во интервју за бугарската ТВ Нова.

Претседателот на Република Албанија,Илир Мета, е добитник на признанието „Светски политичар за 2018“ што ја доделува фондацијата „Foedus“.

Лидерот на најголемата албанска опозициска партија, Демократската партија,Љуљзим Баша, од денешното Нацонално собрание на партијата повика на отстранување на премиерот Еди Рама од власта со цел „ стопирање на на пропаста на Албанија“.

Албанската погранична полиција на меѓународниот аеродромот „Ринаси“ кај Тирана одзела 80.000 евра, 76.000 леки и 2.900 јени од патник кој претходно не ги пријавил парите.

Српската опозиција во пресрет на денешните протести во Белград потпиша документ за заедничките услови за спроведување слободни и фер избори. Во документот се бара редовно учество на опозициските партии, здруженија и движења во информативните програми на јавните медиумски сервиси, како и учество во дебатните емисии на Радио – телевизија Србија и Радио -телевизија Војводина.

Еврокомесарот за проширување и добрососедска политика Јоханес Хан смета дека е неопходно да се прекинат провокациите и да се врати дијалогот за нормализација на односите помеѓу Белград и Приштина.

Претседавачот со Претседателството на Босна и Херцеговина Милорад Додик најави дека ќе покрене иницијатива во Претседателството на БиХ со која ќе се осуди „формирањето на таканаречената војска на Косово“, бидејќи со тоа директно е загрозен Анексот 1 од Дејтонскиот договор за регионална стабилизација, јави Танјуг.

Помала група демонстранти предизвика мали инциденти на крајот од протестот во Солун, против Договорот од Преспа и по повод политичкиот настан на СИРИЗА на кој говореше грчкиот премиер.