Лидерот на Движењето Самоопределување (ВВ) Албин Курти вели дека годинава, неделата на борба против корупција, Косово го затекна преполно со поткупи, како никогаш претходно, јави дописникот на МИА од Приштина.

Европската унија, во текот на изминатите месеци, преку различни проекти донираше повеќе од 9,2 милиони евра на Босна и Херцеговина помош за мигрантите и бегалците на терен, како и за јакнење на капацитетите за управување со границата.

По поднесениот финален текст на уставните амандмани усвоени од македонската Влада, грчки владини извори коментираат дека промената во членот 49 параграф 3, и воведувањето на формулацијата „дијаспора“ како што е во членот 108 на грчкиот устав, „одговараат на духот и текстот на Договорот од Преспа, чиј тек за спроведување, продолжува“, јави дописничката на МИА од Атина.

Амбасадорот на САД во Косово, Филип Коснет ја нарече „добра вест за Косово“ донацијата на американската Корпорација на милениумските предизвици (МЦЦ), но порача дека Косово треба да продолжи да напредува во борбата против корупцијата, јави дописникот на МИА од Приштина.

Нова сообраќајна несреќа, во која повторно животот го загубија мигранти, се случи рано утрово на автопатот „Егнатиа“ меѓу грчките градови Кавала и Ксанти во североисточниот дел на Грција, кога автомобил во кој се превезувале излетал од патот, се превртел и се запалил, јави дописничката на МИА од Атина.

Преку соопштение, движењето „ПРАТО“ на поранешниот министер за надворешни работи на Грција, Никос Коѕијас, реагира и бара од Алексис Ципрас јавно да изрази несогласување до министерот за одбрана Панос Каменос за изјавата во грчкиот Парламент, за „договор под маса на Коѕијас и Заев“, јави дописничката на МИА од Атина.

Опозицискиот пратеник на Демократскиот фронт, Небојша Медојевиќ во текот на ноќта го напушти затворот, во кој се наоѓаше од 1 декември, а неговиот сопартиец, пратеникот Милан Кнежевиќ излезе синоќа од заградата на црногорското Собрание, каде помина речиси две недели, со цел да избегне апсење.

Земјотрес со интензитет од 4,4 степени според Рихтерова скала е регистриран утрово во Јонското Море, северозападно од грчкиот остров Закинтос.

Протестите на „жолтите елеци“ во Франција, кои траат подолго од еден месец, ги поттикнаа и останатите да ги следат, по што слични собири најавуваат и во Хрватска.

Првата седница на членовите на Претседателството на БиХ се одржа денеска во седиштето на државното раководство во Сараево, само со знамето и грбот на БиХ. Претседавачот Милорад Додик оцени дека седницата била одржана на „коректен начин“.