Не прифаќаме решение што го содржи терминот Македонија и ако дојде време да се разделат нашите патишта, ќе се разделат, рече претседтелот на Независни Грци, министер за одбрана и коалиционен партнер во грчката влада, Панос Каменос, на седницата за законот за поништување на одредбите за кратење на пензиите.

Српскиот претседател Александар Вучиќ изјави дека „не му паѓа на ум“ да попушти под притисок на опозицијата и, како што рече, „да ги слуша нивните глупости“, но дека е подготвен да им даде можност да се покажат на избори, бидејќи тоа е најдемократскиот начин за решавање на такви прашања.

Повеќе косовски градови осамнаа денеска закитени со американскио знамиња, во знак на благодарност до САД за поддршката за формирањето на војската на Косово, јави дописникот на МИА од Приштина.

Портпаролот на грчката Влада и министер без ресор, Димитрис Ѕанакопулос, смета дека во грчкиот Парламент постои широко мнозинство за ратификација на Договорот од Преспа, јави дописничката на МИА од Атина.

Претседателот на косовското Собрание, Кадри Весели му порача на генералниот секретар на НАТО Јенс Столтенберг дека не треба да го загрижува формирањето на војската на Косово, која е партнер на Алијансата, туку руските воени бази во Србија, јави дописникот на МИА од Приштина.

Во Србија можеби на пролет повторно ќе се одржат предвремени парламентарни избори. Претседателот на Србија и лидер на Српската напредна партија, Александар Вучиќ, разговарал со своите соработници и се е поблиску до донесување на таква одлука, дознава српскиот весник „Блиц“.

За време на вчерашната пленарна седница во грчкиот Парламент пред гласањето на законот што ги поништува одредбите што предвидуваа кратења на пензиите од 1 јануари 2019, иако не беше на дневен ред, и прашањето за името и Договорот од Преспа беа дел од темите за кои меѓусебно, на високи тонови, се обвинија грчкиот премиер Алексис Ципрас и лидерот на опозициската Нова демократија, Киријакос Мицотакис.

По двочасовни договарања меѓу студентите, одлучено е да го одложат отпочнувањето штајк со глад најавен за вечерва, но да ги радикалзираат протестите.

Производството на маслиново масло во Грција ќе биде помало за 30 до 40 проценти оваа година поради временските услови кои помогнаа за размножување на маслиновите муви – инсекти што наштетуват на оваа култура, соопштија официјални претставници од Министерството за земјоделство.

Бран протести попладнево ја зафатија цела Албанија, а дел од учесниците на собирите се појавија во жолти елеци по примерот на демонстрантите во Франција.