Косовската публицистка, една од сопствениците на медиумската групација „Коха“, Фљака Сурои изјави денеска дека српската премиерка Ана Брнабиќ веројатно „се шегува“ кога вели дека српското население во Косово е „на работ на хуманитарна катастрофа“ поради таксата на увозот на српски производи, јави дописникот на МИА од Приштина.

Црна Гора денеска во Брисел го отвори поглавјето 27 од преговорите со ЕУ, посветено на животната средина и климатските промени, со што на Подгорица и останува само уште едно неотворено поглавје.

Србија попладнево отвори две нови поглавја во преговорите со ЕУ, иако Белград сметаше дека може да отвори повеќе.

Премиерот на Албанија, Еди Рама, не успеа да ги убеди студентите, кои протестираат, да се сретнат со него и да разговараат за нивните барања.

Високата претставничка за надворешна политика и безбедност на ЕУ, Федерика Могерини, призна денеска дека дијалогот за нормализација на односите помеѓу Белград и Приштина минува низ „големи потешкотии“.

Сите парламентарни оружја се на маса, вели портпаролката на грчката опозициска партија Нова демократија, Мариа Спираки во однос на веројатноста тие да достават иницијатива за гласање недоверба на владата поради Договорот од Преспа.

Меѓународната федерација на Црвениот крст и Црвената полумесечина (ИФРЦ) предупредија дека е потребна итна хуманитарна помош за илјадници мигранти кои зимата ја дочекаа во Босна и Херцеговина.

Aлтернативниот министер за надворешни работи на Грција, Јоргос Катругалос, во Њујорк ќе има средба со специјалниот претставник на ОН, Метју Нимиц, јави дописничката на МИА од Атина.

Изградбата на трасата од гасовод „Турски поток“ низ Србија, од бугарската до унгарската граница, може да почне помеѓу 1 и 15 март идната година, а реално е да се очекува целата работа да биде завршена до 2020 година, изјави денеска директорот на „Србијагас“, Душан Бајатовиќ.

Специјалниот суд во Белград денеска го осуди Дарко Шариќ на повторената постапка на 15 години затвор поради организирање криумчарење на кокаин.