Обвинителството во Тирана почна истрага околу јавно објавените факти во врска со изборот на компании за проектот за изградба на големата обиколница во Тирана.

Украинското Министерство за одбрана ја предупреди Русија дека ќе испрати воени бродови низ Керченскиот Теснец, во кој Русија заплени три украински бродови.

Студентите во Албанија продолжија со протестите со најава дека истите ќе траат се додека не им бидат исполнети сите нивни барања.

Ципрас изразува надеж дека од сега па натаму голем број земји во светот, вклучувајќи ја и Русија, „ќе престанат да ја признаваат соседната земја под нејзиното денешно уставно име и ќе ја стават географската одредница Северна Македонија“.

Косовската Влада тврди дека врз институциите во земјата денеска е извршен масовен хакерски напад, кој доаѓа од Србија, Босна и Херцеговина и Македонија, при што целосно е хакиран системот на електронската пошта, јави дописникот на МИА од Приштина.

Албанија доби едногласна поддршка од земјите членки на Организацијата за безбедност и соработка во Европа (ОБСЕ) да претседава со оваа органиизација во 2020 година.

Шефот на пратеничката група на Демократскиот сојуз на Косово (ЛДК) Авдулах Хоти смета дека ако постои држава која не треба да има војска, тогаш таа држава е Србија, јави дописникот на МИА од Приштина.

Лидерот на Наодната партија, Вук Јеремиќ од опозицискиот Сојуз за Србија, оцени денеска дека претседателот Александар Вучиќ, заедно со „партнерите од Приштина -Рамуш Харадинај и Хашим Тачи“, режира атмосфера на војна за да има оправдување да го потпише договорот со кој на Косово би му се овозможило влез во Обединетите Нации.

Од Кремљ до Белата куќа, од Ватикан до Даунинг Стрит, во Пекинг и во целиот свет, веројатно сум единствениот европски лидер што секаде оди без вратоврска, вели грчкиот премиер Алексис Ципрас во интервјуто за руската емисија „Формула од Пауер“, во однос на неговиот избор да биде политичар без вратоврска.

Обвинителството на Специјалниот суд на Косово ќе го покрене првото обвинение за воени злосторства од страна на припадници на Ослободителната војска на Косово (ОВК), за што пред Обвинителството во Хаг веќе е повикан еден поранешен командант на ОВК, тврдат косовските медиуми.