Косовскиот премиер Рамуш Харадинај соопшти дека денеска во телефонски разговор со генералниот секретар на НАТО Јенс Столтенберг, му порачал дека без оглед на дилемите кои постојат во Алијансата околу трансформацијата на Безбедносните сили (ФСК) во војска на Косово, законите кои ќе го овозможат тоа идната недела ќе се најдат на дневен ред на косовското Собрание, јави дописникот на МИА од Приштина.

Албанската полиција во две одделни акции откри 23 илегални имигранти во подрачјето на Корча.

Косовскиот премиер Рамуш Харадинај порача дека косовската држава, за разлика од српската, има закон со кој експлицитно ги санкционира своите граѓани кои учествуваат во војни во странство, јави дописникот на МИА од Приштина.

Без голема масовност, барем засега, во центарот на Атина вечерва започна протестот по повод 10-годишнината од убиството на Алексис Григоропулос, јави дописничката на МИА од Атина.

По дводневните студентски протести во Тирана, Елбасан и Корча, албанската Влада го укина членот од Законот за високо образование со кој се предвидуваа нови тарифи за повторен упис на година и за полагање заостанати испити.

Претседателот на косовската Влада Рамуш Харадинај вели дека трансформацијата на Безбедносните сили на Косово (ФСК), односно созадавњето на војската на Косово и нејзиното одобрување од Собранието идната недела, е внатрешно прашање и е во согласност со Уставот на државата, јави дописникот на МИА од Приштина.

Грција води дијалог со ЕУ за продолжување на гасоводот „Турски поток“ од Грција кон други земји на ЕУ, изјави грчкиот премиер Алексис Ципрас пред неговата утрешна посета на Москва. Ципрас потенцира дека Атина има сериозни аргументи за ова барање.

Претседателот на Србија, Александар Вучиќ и генералниот секретар на НАТО, Јенс Столтенберг денеска во телефонски разговор се согласија дека зачувувањето на мирот и стабилноста е од најголем интерес за Србија и за целиот регион, соопштија од кабинетот на шефот на српската држава.

Албанците имаат големо влијание врз властите во Македонија, а ситуацијата е слична и во Црна Гора, изјави српскиот претседател Александар Вучиќ во утринската програма на ТВ Пинк по повод изјавата на косовскиот вицепремиер, Енвер Хоџај, за создавање на неформален анти-српски пакт во регионот.

Мојата позиција е цврста, а тоа е дека историскиот договор треба да помине и да се заврши. Изборот на неактивност чинеше многу скапо, вели портпаролот на пратеничката група на Независни Грци и пратеник, Танасис Папахристопулос за грчкото радио „Реал фм“.