Новиот амбасадор на Соединетите Американски Држави во Приштина Филип Коснет изјави денеска, по преземањето на должноста, дека е подготвен за соработка со Владата предводена од Рамуш Харадинај, јави дописникот на МИА од Приштина.

Претседателството на Собранието на Косово ја закажа за 14 декември пленарната седница на која треба да се гласа за пакетот закони со кој се предвидува трансформација на Безбедносните сили (ФСК) во војска на Косово, јави дописникот на МИА од Приштина.

Партијата на косовските Срби (ПКС) смета дека тоа што пратениците на Српската листа (СЛ) од синоќа се наоѓаат во косовското Собрание со барање да се сретнат со еврокомесарот Јоханес Хан, кој допатува попладнево во Приштина, претставува само „рекламна кампања на СЛ и на нејзините ментори од Приштина и Белград“, јави дописникот на МИА од Приштина.

Косовскиот премиер Рамуш Харадинај го пречека попладнево еврокомесарот за проширување Јоханес Хан, кој престојува во Приштина на средба со државниот врв, со зборовите „се надевавме дека доаѓате со добри вести за визната либерализација за Косово во пресрет на Божик“, јави дописникот на МИА од Приштина.

Генералниот секретар на НАТО Јенс Столтенберг денеска изјави дека Босна и Херцеговина, најверојатно во текот на неделата ќе добие „зелено светло” за да направи голем чекор кон идното членство во Алијансата.

Во судири со сириските демократски сили (СДС) во близина на градот Хаџин, во источниот дел на Сирија убиен е Албанец, командант во структурите на терористичката „Исламска држава“.

Комесарот за проширување на Европската унија допатува во Приштина, каде ќе се сретне со највисоките косовски претставници на разговори за таксата од 100 отсто што косовската Влада ја воведе на увозот на производи од Србија и Босна и Херцеговина, јави дописникот на МИА од Приштина.

Српскиот претседател Александар Вучиќ денеска се сретна со еврокомесарот за проширување Јоханес Хан, со кого разговараше за потезите на Приштина, односно воведувањето зголемени такси за производи од Србија и БиХ, како и за регионалната стабилност.

Шефицата на Канцеларијата на Европската унија (ЕУ) во Косово Наталија Апостолова изјави дека пораката што ќе ја пренесе еврокомесарот за проширување Јоханес Хан за време на денешните средби во Приштина е јасна: таксата на увозот од Србија и Босна и Херцеговина треба да се укине.

Генералниот секретар на НАТО, Јенс Столтенберг денеска ги повика Белград и Приштина да се воздржат од провокативни акции и реторика, со цел да се намалат тензиите и да се обезбеди напредок.