Во Албанија од вечерва на полноќ стапува во сила забраната за увоз на автомобили постари од десет години, всушност ќе биде дозволен увоз на возила кои исполнуваат стандард „Евро четири“.

Италијанската полиција кај Бриндизи заплени 1.500 килограми дрога. Запеленети се марихуана и хашиш, што со моторен чамец биле транспортрани од Албанија.

Косовскиот претседател Хашим Тачи, за време на разговорите во Атлантскиот совет во Вашингтон посочи дека сеопфатниот договор за нормализација на односите меѓу Белград и Приштина „по вековниот судир ќе ја затвори Пандорината кутија на Балканот“, оценувајќи дека двете страни се „подготвени и желни да дојдат до договор“.

Бугарските власти соопштија дека планираат градење нов гасовод што ќе минува низ државата од границата со Турција до Србија со цел да се искористи транзит на руски гас преку идниот гасовот Турски поток. Бугарија се залага да користи руски гас преку Турскиот поток што ќе минува под Црното Море за да се заобиколи Украина.

Нова демократија беше, е и секогаш ќе биде против каков било облик на опсади, вели претседателот на најголемата грчка опозициска партија, Кирјакос Мицотакис во однос на мобилизацијата на учениците во Северна Грција и опсадите во средните училишта поради Договорот од Преспа, јави дописничката на МИА од Атина.

Во органзација на Македонското друштво „Сонце” а во соработка со Институтот за македонски јазик „Крсте Мисирков” од Скопје, во албанскиот град Корча, промовирани се четири книги на македонски јазик, поврзани со јазикот и традициите на Македонците во Албанија.

Најмалку 600 осудени лица, од сите затвори во Албанија, најверојатно ќе ги напуштат затворските ќелии за новогодшните празници.

Целта на идејата за обединување на општините Јужна и Северна Миторовица во единствена единица на локалната самоуправа, е протерување на Србите од северниот дел на Косово, изјави денеска лидерот на најголемата партија на косовските Срби, Српска листа, Горан Ракиќ.

Советот на Општина Јужна Митровица денеска едногласно усвои Декларација со која ја поддржа иницијативата на градоначалникот Агим Бахтири за обединување на северниот – претежно населен со Срби и на јужниот дел на градот, каде мнозинството од жителите се Албанци.

Апелацискиот совет на Судот на Босна и Херцеговина денеска донесе конечна ослобителна пресуда за поранешниот генерал на Армијата на БиХ, Насер Ориќ, во рамки на обновената судска постапка против него за злосторста извршeни врз српски цивили во реонот на Сребреница за време на Војната во земјата на почетокот 90-те години на минатиот век.