Поранешниот претседател на косовското Собрание Јакуп Красниќи вели дека српската премиерка Ана Брнабиќ „не знае или не сака да знае“ што е геноцид, јави дописникот на МИА од Приштина.

Претставници на грчката владејачка партија СИРИЗА, меѓу кои и министри и пратеници, рано утрово беа вербално нападнати пред Политехничкиот факултет во Атина и спречени да положат цвеќе во рамки на тридневните манифестации за 45-годишнината од студентскиот бунт против хунтата, јави дописничката на МИА од Атина.

Војската на Црна Гора, според новата организациско-формациска структура, ќе има 2.368 лица во мирновременски, а 5.159 во воениот состав, соопшти црногорскиот министер за одбрана Предраг Бошковиќ.

Негирање на геноцидот во Сребреница и искривување на судските факти за најголемото злосторство после холокаустот во Европа претставува намерен и организиран напад врз вистината и правдата, државата БиХ и жртвите, предупреди денеска Конгресот на Бошњаците во Северна Америка (КБСА).

Вкупната вредноста на имотите на стоте најбогати Словенци изнесува 5,7 милијарди евра, вредноста поголема за 10 отсто отколку минатата година, наведува списанието „Менаџер“.

На седницата на Комитетот за проширување во Советот на ЕУ, претставниците на Хрватска изнеле серија забелешки на сметка на Србија, објави весникот „Вечерње новости“.

Колку побргу ја видиме Македонија во Европската унија и во НАТО, толку е подобро и за Бугарија и за Грција, рече бугарскиот премиер Бојко Борисов во неговиот говор на третиот самит во Солун, за перспективата и соработката на Западен Балкан, јави дописничката на МИА од Атина.

За Договорот од Преспа како меѓународен модел за решавање на билатералните спорови и за перспективите и можностите што ги отвора на економски план, говореше меѓу другото грчкиот премиер Алексис Ципрас на третиот „Thessaloniki summit“, јави дописничката на МИА од Атина.

Албанскиот претседател Илир Мета, гостувајќи во синоќешната емисија „Опен” на тиранската телевизија Топ чанел, иако воздржано сепак ја кометираше веста за бегството на поранешниот македонски премиер Никола Груевски во Унгарија, минувајќи преку Албанија.

Европската комисија до земјите членки на ЕУ достави извештај за напредокот на Србија во поглавјата 23 и 24 во процесот на пристапни преговори со Европската унија, во кој се констатира дека недостасуваат конкретни резултати во клучните области.