Министрите за одбрана на Австрија и Хрватска, Марио Кунасек и Дамир Крстичевиќ денеска во Виена договорија интензивирање на воената соработка поради растечкиот мигрантски притисок.

Земјотрес со јачина од 5,3 степени според Рихтероват скала е регистриран попладнево во Јонското Море, на 49 километри југозападно од грчкиот остров Закинтос.

Во два одвоени случаи грчката полиција уапси две лица кои со комбиња имале намера илегално од Грција да изнесат вкупно 31 мигрант.

На состанок на парламентарната група на владејачката СИРИЗА, грчкиот премиер Алексис Ципрас ги претстави предлозите на партијата за измена на Уставот на Грција, јави „Катимерини“.

Претседателот на Србија Александар Вучиќ денеска изјави дека има сознанија оти косовската војска ќе биде формирана на 28 ноември, кога се обележува Денот на албанското знаме.

Косовскиот Апелациски суд ги отфрли како неосновани жалбите на адвокатите против одлуката за 30-дневен притвор за заменик-министерот за регионален развој на Косово, Муса Цена и две други лица обвинети за „примање поткуп“ и „злоупотреба на службената положба“, јави дописникот на МИА од Приштина.

Речиси сите деца во Бугарија, односно 94 отсто, се онлајн секој ден, соопшти Георги Апостолов од Центорот за безбеден интернет на конференција во Софија.

Во периодот од 18 до 28 септември во Софија биле проверени 178 училишта, и во 113 од нив биле откриени деца со вошки, соопшти Регионалната здравствена инспекција за главниот град (СЗРИ).

Косовскиот претседател Хашим Тачи денеска отпатува за Минск, Белорусија, каде што ќе учествува на средбата на Главната група на Минхенската конференција за безбедност, јави дописникот на МИА од Приштина.

Специјалниот обвинител Џек Смит престојува во прва посета на Косово каде ќе се сретне со раководители на меѓународни организации, претставници на земји членки на ЕУ и со косовскиот министер за правда Абељард Тахири.