Заменик-помошникот државен секретар за европски прашања на Соединетите Американски Држави, Метју Палмер денеска ќе престојува во Косово, каде што ќе се сретне со највисоките државни раководители, јави дописникот на МИА од Приштина.

Албанскиот премиер Еди Рама изјави дека коцкарниците се финансираат од организираниот криминал,додавајќи дека „преку нив се врши перење пари од криминалот“.

Бугарските власти денеска запленија 11,5 милиони евра и два милиона долари фалсификувани банкноти, соопшти заменикот-главен обвинител на Бугарија Иван Гешев.

Министерството за Безбедносните сили на Косово (ФСК), по повод денешните информации објавени во српски медиуми дека припадници Срби го напуштаат ФСК, соопшти дека до него не е стигнато ниедно барање за ослободување од должноста од ниту еден припадник, јави дописникот на МИА од Приштина.

Косовскиот премиер Рамуш Харадинај изјави денеска дека мисијата на Обединетите нации УНМИК треба да си замине од Косово, бидејќи, според него, таа нема веќе што да бара во земјата, јави дописникот на МИА од Приштина.

Вработените во Словенечката разузнавачка служба од СОВА го прекинаа својот бел штрајк по разговори со новоизбраниот директор Рајко Козмељ, потврди денеска претседателот на Синдикатот на државните органи на Словенија.

Поранешниот хрватски премиер Иво Санадер осуден е денеска на две и пол години затворска казна поради воено профитерство.

Косовскиот претседател Хашим Тачи изјави денеска дека конечното решавање на споровите со Србија има смисла единствено доколку Белград на крајот го признае Косово и повтори дека ќе продолжи да работи за остварување на идејата за припојување на Прешевската Долина кон Косово, јави дописникот на МИА од Приштина.

Група од околу 200 мигранти денеска била спречена при обидот да ја мине границата на Босна и Херцеговина со Хрватска, на граничниот премин Маљевац во Велика Кладуша.

Двотретински изгласаниот предлог во македонското Собрание за почеток на уставните промени е историски чекор што ги носи двете страни поблиску до финалното- стапување во сила на Договорот од Преспа, смета портпаролот на грчката Влада и министер без ресор, Димитрис Ѕанакопулос.