Косовската полиција денеска соопшти дека по преземена обемна акција во регионот на Приштина и на Косовска Митровица, уапсила пет лица осомничени за нелегална трговија со оружје.

Наместо да се однесува популистички, Нова демократија да каже каде ги трошеше средствата од тајните фондови додека беше на власт, одговари денеска Кабинетот на грчкиот премиер Алексис Ципрас на обвинувањата на опозициската партија за начинот на располагање со тајните фондови.

Претставникот на Организацијата за безбедност и соработка во Европа (ОБСЕ) за слобода на медиумите, Арлем Дезир денеска изрази загриженост во врска со новиот систем за регистрација на интернет порталите во Албанија, кои доколку не бидат регистрирани им се заканува затворање.

Косовското Собрание со гласовите на сите присутни пратеници на денешната пленарна седница, ги изгласа во прво читање трите нацрт-закони со кои сегашните Безбедносни сли на Косово (ФСК) ќе се трансформираат во војска на Косово, јави дописникот на МИА од Приштина.

Едно лице загина попладнево при верижен судир на автопатот Ниш-Белград во близина на местото Баточина, јави Танјуг.

Најголемата грчка опозициска партија Нова демократија побара од грчката Влада да ги објави сите податоци што ги поседува за располагањето со тајните фондови.

Албанското Министерство за одбрана објави тендер за продажба на стари авиони, бродови и блиндирани возила за старо железо.

Договорот од Преспа не само што е жив, туку е и централна политичка цел за нас, вели министерот без ресор и портпарол на грчката Влада, Димитрис Ѕанакопулос, во интервју за државната телевизија ЕРТ. Во него тој објаснува дека политичката порака од завчерашната владина седница е дека грчката Влада е посветена на Договорот од Преспа.

Косовското Собрание, со 101 глас „за“ и ниеден „против“ и „воздржан, го изгласа првиот од трите нацрт-закони чија цел е трансформација на Безбедносните сили (ФСК) во војска на Косово, јави дописникот на МИА од Приштина.

Како што јави дописникот на МИА од Приштина, од работата на претседателот Тачи се задоволни 16,1 отсто, незадоволни 72,3 и неопределни 11,6 отсто. Малку повисок е процентот на задоволни од работата на премиерот Харадинај – 19,1 отсто (незадоволни 71,5, неопределени 9,4 отсто).