Хрватска очекува да ги исполни техничките критериуми за пристапување во Шенген зоната до крајот на годината и се надева дека ќе се приклучи до 2020 година, изјави денеска хрватската државна секретарка Терезија Грас.

Градоначалникот на Митровица Агим Бахтири вети дека на отворањето на мостот кој го дели градот на албански и српски дел ќе донесе една од ѕвездите на светската забавна музика, а денеска обелодени дека планира тоа да биде пејачката Шакира, јави дописникот на МИА од Приштина.

Тајна средба, според грчкиот весник „Та неа“, имале вчера грчкиот премиер Алексис Ципрас и неговиот коалициски партнер и министер за одбрана Панос Каменос.

Вкупната бруто вредност на земјоделското производство во Србија во 2018 година е проценето на 5,7 милијарди долари, што е за 21,9 отсто повеќе во однос на 2017 година, објави денеска земјоделски портал Агросмарт од Нови Сад.

Српскиот министер за надворешни работи Ивица Дачиќ изјави дека му е познато оти „некои западни сили ги прислушкуваат државниот врв на Србија“. Тој додаде дека тоа воопшто не го вознемирува, бидејќи власта нема што да крие од народот.

- „Маслиново гранче“ ѝ понуди Зоран Заев на опозицијата за да обезбеди глас од 80 пратеници кои што се потребни за промена на Уставот и повика на национално помирување и глас според свеста, објави грчката телевизија „Антена“.

Група од околу 50 маскирани лица, синоќа со молотови коктели, камења и разни предмети ја нападна полициската станица Омонија во центарот на Атина, а полесно беа повредени четворица полицајци.

Без прифаќање на Договорот од Преспа не постои никакво решение, порача шефот на грчката дипломатија Никос Коѕијас по состанокот на Советот за надворешни прашања на ЕУ во Луксембург и додаде дека дури и со едноставна математика од основно училиште не е можно да се постигне подобар договор за секоја страна, „како што тврдат опозициите во двете земји“.

Самитот на министрите за транспорт на Кина и 16 земји од централна и источна Европа (ЦЕЕ), како и Третиот форум на градоначалници на главните градови од земјите учеснички во механизмот за соработка меѓу Кина и 16 земји на ЦЕE, денеска свечено ќе бидат отворени во Белград.

Претседателот на Косово Хашим Тачи инсистира дека неговиот став во однос на корекцијата на границите со Србија, и покрај противниците на таа идеја, е „заснован на Уставот и законите и не може да се спори“, јави дописникот на МИА од Приштина.