Албанскиот претседател Илир Мета изјави дека се согласува со премиерот Еди Рама за Договорот со Грција, но оти јасно му ставил до знаење дека истиот ќе биде ратификуван во Собранието кога Уставниот суд ќе биде во функција.

Меѓународниот секретар на владејачката Српска напредна партија (СНС), министерката за евроинтегрции Јадранка Јоксимовиќ, денеска во Белград разговараше со интернационалниот секретар на најголемата опозициска партија во Грција, Нова демократија, пратеникот Јоргос Кумуцакос за соработката на двете партии, процесот на евроинтеграција на Србија, како и за актуелните состојби во регионот.

Светска банка не гледа никаков ризик доколку српската компанија „Телеком Србија“ стане сопственик на албанската компанија „Телеком Албанија“.

Вкупната пазарна вредност на капиталот на четирите најголеми „системски“ грчки банки, по вчерашната силна продажба на нивните акции на Атинската берза, падна на само пет милијарди евра. Генералниот индекс на Атинската берза падна на најниско ниво од пред 32 месеца, пишува весникот „Катимерини“.

Жителите од српска националност во косовскиот град Ораховац се жалат дека група албански момчиња со денови ги малтертираат српските деца кои се играат на игралиштето во горниот дел на градот и на просторот пред локалната црква, јави РТВ КиМ.

Литургија во спомен на загинатите во катастрофалните пожари од 23 јули, одржа вселенскиот патријарх Вартоломеј, во Мати, односно на плажата каде што голем број лица го загубија животот. Веднаш по завршувањето, во морето фрли букет бели ружи.

Српската полиција уапси 36 луѓе од кои 12 остануваат во притвор заради соменвање дека учествувале во забранет реекспорт на земјоделски производи од Европската унија во Русија.

Европската Комисија предлага да се мобилизираат дополнителни 2,3 милиони евра за да им се помогне на 550 работници од издавачкиот сектор, од кои половина се новинари, откако тие останале без работа. Фондовите, кои доаѓаат од “Европскиот Фонд за прилагодување на глобализацијата“ имаат за цел да им помигнат на работниците да пронајдат нови работни места.

Ние ќе го измериме договорот и на нашата вага ќе натежне една работа: националниот интерес, вели заменичката министерка за цивилна заштита на Грција, Катерина Папакоста, која до лани беше член и пратеник на Нова демократија, а сега како лидер на новоформираната партија НЕО, при последната реконструкција, стана дел од грчката Влада.

Претседателот на Стопанската комора на Косово Берат Рукиќи смета дека реална опција за визна либерализација за Косово е почетокот на 2020 година, јави дописникот на МИА од Приштина.