Грчкиот државен механизам е во состојба на готовност поради налетот на медитеранскиот циклон, соопшти генералниот секретар за цивилна заштита на Грција, Јанис Тафилис на прес-конференција, по состанокот со надлежните служби, претставници на грчката полиција, противпожарната служба, брзата помош, Министерството за одбрана, на општините, како и на грчката метеоролошка служба.

Косовското Јавно обвинителство има покренато обвиненија против неколку членови на владиниот Кабинет за „злоупотреба на службената должност“ и за „корупција“, а со проблеми со законот се соочуваат и повеќе пратеници во косовското Собрание, пишува денеска весникот „Зери“ по повод апсењето на двајца пратеници, обвинети за закани кон обвинители.

Со одлука на Министерството за финансии на Грција, од 1 октомври Грците без ограничувања ќе можат да подигнуваат готовина од банкоматите.

САД се отворени, заедно со своите партнери од ЕУ, да разгледаат секакво предлог решение за Косово, до кое ќе се дојде во рамки на дијалогот меѓу Белград и Приштина, изјави синоќа американскиот помошник државен секретар Вес Мичел.

На подрачјето на Југоисточна Европа, од Словенија до Грција, се планира изградба на повеќе од 3.000 нови хидроелектрани, а реализацијата на тие проекти ќе има катастрофални последици по животната средина, бидејќи со тоа ќе се уништи „синото срце“ на европскиот континент, предупредија денеска во Сараево учесниците на собирот под име Прв европски самит за реките.

Косовската полиција попладнево го приведе пратеникот на Алијансата за иднината на Косово (ААК) Шкумбин Демалијај, обвинет, како и неговиот веќе уапсен колега Миљаим Зека од Иницијативата за Косово (Нисма), за закани врз обвинител на Специјалното обвинителство на Косово, јави дописникот на МИА од Приштина.

Решение за косовското прашање, кое подразбира и промена на границите, можно е единствено ако, освен Белград и Приштина, се согласат и ЕУ и СБ на ОН, нагласи денеска известителот на Европскиот парламент за Србија, Дејвид Мекалистер.

Шефицата на дипломатијата на Европската унија, Федерика Могерини вели дека за време на заедничката вечера органзиирана на маргините на ГС на ОН, лидерите на Западен Балкан потврдиле силна посветеност во напредокот со процесот на ЕУ интеграции преку забрзани реформи и добрососедски односи.

Голема е веројатноста во текот на вечерните часови, јужниот дел на Јонско Море да биде зафатен од медитерански циклон, кој потоа ќе се придвижи кон полуостровот Пелопонез и островот Крит, но и кон други делови на Грција, според последните податоци од метеоролошката служба на Националната опсерваторија во Атина.

Бараме избори за народот со неговиот глас да одлучи за текот на ова национално прашање, рече лидерот на грчката опозициска Нова демократија, Кирјакос Мицотакис говорејќи за Договорот од Преспа, во обраќањето на почетокот на состанокот со надлежните за различни области во партијата.