Српската полиција уапси седум луѓе поради сомневање за препродажба на 31 тон расипано месо и месни преработки од Бразил во државата, јави Танјуг.

За улогата на Грција во регионот и за Договорот од Преспа кој решава тридецениски спор, говореше меѓу другото, грчкиот премиер Алексис Ципрас во обраќањето пред грчките иселеници на приемот организиран во негова чест во Генералниот конзулат на Грција во Њујорк.

Најголемата косовска опозициска партија, Демократскиот сојуз на Косово (ЛДК), ги повика Албанците во Македонија да излезат масовно в недела на референдумот за името и да гласаат „за“, јави дописникот на МИА од Приштина.

Земјотрес со интензитет од 5,2 степени според Рихтеровта скала., денеска го погоди грчкиот полуостров Пелопонез.

Грчката државна новинска агенција АНА-МПА квизот што редовно го објавува на својот официјален сајт овој пат го посветува на Македонија и ги повикува читателите да одговорат на пет прашања, јави дописничката на МИА од Атина.

Претседателот на Турција, Реџеп Тајип Ердоган на средбата во Њујорк со косовскиот претседател Хашим Тачи, вети поддршка за Косово за обезбедување нови признавања на независноста, како и за зачленување во Интерпол на Генералното собрание на организацијата, што во ноември ќе се одржи во Дубаи, соопшти кабинетот на Тачи.

Пратеникот од грчката партија Река, Спирос Данелис, во интервју за МИА говори дека Договорот од Преспа е праведен, напреден и одржлив компромис и договор што ги почитува приоритетите и чувствителностите на двете страни.

Европскиот парламент „силно ги охрабрува“ српските власти да ги засилат напорите за унапредување на сосотојбата со слобода на изразувањето и медиумите, се наведува во компромисниот извештај на известувачот за Србија, Дејвид Мекалистер.

Русија, заедно со Кина, се единствените земји кои на 73-то заседание на Генералното собрание на ОН во Њујорк не ги претставува претседателот или премиерот, што го покрена прашањето зошто на овој собир не дојде шефот на руската држава Владимир Путин, наведува „Вечерње Новости“.

Меѓународната бонитетна агенција „Мудис“ најави дека е можно да го намали кредитниот рејтинг на Грција, доколку Владата и Парламентот не го реализираат планираното ново намалување на пензиите.