„На православието му се заканува раскол, поголем од оној меѓу Истокот и Западот“, предупреди српскиот владика Иринеј Бачки по повод најавите на Вселенската патријаршија дека ќе и даде автокефалност на Укринската црква, што според него, може да се случи и во Македонија.

Со гласање „ЗА“, според Договорот од Преспа го задржуваат нивниот идентитет, заспиваат како мала држава на Балканот, а се будат како членки на НАТО, вели Јоргос Кумуцакос, одговорниот за надворешна политика во грчката опозициска партија Нова демократија, во интервју за грчката телевизија Скај, давајќи негова процена во пресрет на референдумот во Македонија.

Две агенди, спротивни една на друга, ќе бидат спроведувани оваа недела од страна на косовската државна делегација во Њујорк, каде што ќе учествува во работата на Генералното собрание на Обединетите нации, пишува денеска „Коха Диторе“.

Сметам дека не е веројатно Каменос и Независни Грци да сменат мислење за содржината на Договорот од Преспа, но не треба поради тоа да се поништат причините зошто беше формирана коалициската влада, вели новоизбраниот генерален секретар на централниот комитет на СИРИЗА, Панос Скурлетис во интервју за грчката новинска агенција АНА-МПА.

Амбасадорот во заминување на САД во Косово, Грег Делави изјави дека Вашингтон продолжува да бара договорот меѓу Приштина и Косово да произлезе од преговарачките страни, но тоа не значи дека ќе прифати се што ќе дојде од претседателите Хашим Тачи и Александар Вучиќ, јави дописникот на МИА од Приштина.

Група од околу 30 лица, радикални десничари, како што самиот тврди, го нападнале пратеникот на СИРИЗА Петрос Констандинеас, пред стадионот во грчкиот град Каламата, кусо пред почеток на фудбалски натпревар, објави грчката новинска агенција АНА-МПА.

Шефот на пратеничката група на Демократскиот сојуз на Косово (ЛДК) Авдулах Хоти смета дека дијалогот со Србија можат да го водат единствено претставителни и легитимни институции, кои говорат во името на мнозинството граѓани на Косово, јави дописникот на МИА од Приштина.

Лидерот на опозициското Движење Самоопределување (ВВ) Албин Курти ја нарече „лична авантура“ на косовскиот претседател Хашим Тачи неговата идеја за корекција на границата со Србија и порача дека таа мора да се запре што е можно поскоро, јави дописникот на МИА од Приштина.

Кредитната рејтинг агенција Муди`с го зголеми кредитниот рејтинг на Црна Гора, и во новиот извештај е потврдена оценката на рејтингот Б1, со значителна промена во перспективата, од „стабилна" во „позитивна", пренесува Анадолија.

Косовскиот премиер Рамуш Харадиај идната недела ќе отпатува во официјална посета на Соединетите Американски Држави, каде што најави средби со премиери и делегации кои учествуваат на Генералното собрание на ООН, како и со американски сенатори, конгресмени и други претставници на официјален Вашингтон.