Косовската претседателка, Вјоса Османи по повод годишнината од нападите врз врз војниците на НАТО на северот на Косово, на 29 мај минатата година, во кои беа повредени 93 војници, пишува дека авторите на тие криминални дејствија сé уште „се шетаат на слобода низ Србија“, јави дописникот на МИА од Приштина.

Во 2023 година, бројот на здравствени работници од Косово вработени во Германија изнесувал 9.091, што е за илјада повеќе од 2022 година, пренесе Бета.

Срѓан Ј., осомничен во Србија за убиството на двегодишното девојче Данка Илиќ, одлучил да ја изнесе својата одбрана во наредниот период.

Повеќе од една третина од возрасните во Србија пушат повремено или секојдневно, додека една петтина од учениците на возраст од 11, 13 и 15 години пробале електронски цигари, според Институтот за јавно здравје на Србија „Д-р Милан Јовановиќ Батут“ во пресрет на Светскиот ден без тутун.

Премиерот на Србија и претседател на СНС, Милош Вучевиќ, изјави денес дека оваа партија на изборите учествува во широк фронт бидејќи, според него, Србија се соочува со големи предизвици, па затоа е неопходно обединување.

Косовската полиција вчера уапсила едно лице во Лепосавиќ, маж со иницијали М.К., под сомнение за кражба на идентитет, односно со документи од Србија и од Косово со различни имиња и презимиња, јави косовскиот медиум на српски јазик, КоССев.

Во интервјуто Гарвала предупреди дека територијалните амбиции на рускиот претседател Владимир Путин не запираат на украинската граница. Според неа, победата на Украина против Русија би обезбедила долго време стабилност дури и на „немирниот Балкан“.

Амбасадорот на Европската унија во Србија, Емануеле Жофре, изјави дека Европската унија јасно се движи кон проширување и ја сака Србија „во своето семејство“, но дека тоа е процес кој има правила кои мора да се почитуваат, пренесе Бета.

Албанскиот премиер Еди Рама најави дека од јуни ќе стапи на сила новото зголемување на платите за администрацијата, а просечната плата во јавниот сектор ќе биде 900 евра.

Предизборниот молк пред локалните избори во Србија почнува на полноќ и ќе трае до затворање на гласачките места на 2 јуни во 20 часот, јави Бета.