Во втората половина на октомври, Скопје ќе биде домаќин на Вториот светски конгрес на претприемачи. За таа цел денеска се одржа средба на премиерот Зоран Заев и министерката без ресор задолжена за странски инвестиции Зорица Апостолска со претседателот на Управниот одбор на Меѓународниот економски форум „Перспективи“ и генералниот секретар на Светскиот конгрес на претприемачи Винко Ќуро.

Услуги од 10 институции на едно место од денеска им се на располагање на скопјани. Во поранешната зграда на Комерцијална банка е отворена сала за јавни услуги со што Министерството за информатичко општество и администрација го почна проектот „Една точка за услуги“ преку кој во иднина ќе отвори канцеларии со таква намена и во останатите градови.

Сакаме да ја информираме јавноста дека од претстојниот викенд (23-24.02.2019 година) ќе биде зголемен бројот на поаѓања на автобуси на линијата 25 (Транспортен центар-Средно Водно). На посочената линија во ударните термини ќе возат по уште 2 автобуса за разлика од досега.

Министерот за образование и наука Арбер Адеми, францускиот амбасадор Кристијан Тимоние и градоначалникот Стефан Богоев денеска ги посетија спортската сала „Наум Наумовски – Борче“, позната како „Партизан“ и Основното општинско училиште „Братство“ во Општината Карпош.

Во Скопје денеска ќе биде промовиран првиот македонски календар со фотографии од пожарникари-спасители на Скопската противпожарна бригада.

ЈП „Комунална хигиена“ од денеска до 23-ти овој месец ќе спроведе машинско миење со автоцистерни на булеварите и поголемите улици во Скопје.

Зоолошката градина во Скопје ќе отпочне процес за нејзина целосна адаптација за посета на лица со оштетен вид.

Поради промена на 13 затворачи, прекинато водоснабдување утре ќе имаат корисниците од улиците „Рилски конгрес“, „Славејко Арсов“, „Банско“, „Серска“, „Кратовска“, дел од „50 Дивизија“, „Димче Мирчев“, „Христо Чернопеев“, „Востаничка“ и „Црниче“.

Општина Карпош, во соработка со колективниот постапувач „Елколект“, продолжува со унапредување на начините за правилно управување со електричниот и електронскиот отпад, соопшти Општината.

ЈП „Комунална хигиена“ – Скопје денеска почна акција за чистење на кампусот на универзитетот „Св. Кирил и Методиј“, чиј почеток го означија директорот Абдусамед Шабани, градоначалникот на општината Центар Саша Богдановиќ и директорката на Институтот за социолошки и политичко-правни истражувања проф. д-р Бојана Наумовска.