До 17 часот во општина Новаци гласале 700, а во општина Могила 893 гласачи

Мирно и демократски се одвива гласањето во општините Новаци и Могила, информираат тамошните изборни комисии кои го пресметаа излезот на населението на гласање заклучно со 17 часот.

Од ОИК Новаци информираа дека досега гласале 700 жители од таа општина или 23,5 отсто од избирачите евидентирани во Единствениот избирачки список.

Од ОИК Могила потврдија дека до 17 часот гласале 893 граѓани, или 16,58 отсто од лицата со право на глас.