Вернер му одговори на Салихамиџиќ: Левандовски порано беше како мене

Напаѓачот на РБ Лајпциг, Тимо Вернер, не се согласува целосно со мислењето на спортскиот директор на Баерн Минхен, Хасан Салихамиџиќ, во врска со неговиот можен трансфер во шампионите. Шефот на баварците објасни дека напаѓачот на „црвените бикови“ нема да одговара на тактиката на тимот, и затоа не им треба.

Според Салихамиџиќ, силата на Вернер е во употреба на празни места, но во Баерн тој нема да има такви, бидејќи ривалите се потпираат на одбранбена структура.

Поради оваа причина, Роберт Левандовски бил многу поценет, затоа што е силен во игра на мал простор.

– Секој има свое мислење, но во Баерн има играчи како Серж Гнабри и Кингсли Коман, кои ја користат својата брзина на крилата, а потоа пробиваат во шеснаесетникот. Салихамиџиќ има право дека Левандовски е исклучителен централен напаѓач со кого баварците се многу силни на предните позиции. Но, исто така, мислам дека самиот Левандовски го менуваше својот стил со текот на годините. Пред извесно време, тој исто така се обложуваше на брзината, во периодот кога Јирген Клоп беше на чело на Борусија. Роберт порано беше како мене. Јасно е, кога стареете, не можете да бидете толку агилни и затоа треба да се прилагодите на промените. Покрај тоа, филозофијата на Баерн е да има повеќе посед на топката. Имам само 23 години и имам многу да учам. Но, покажав дека можам да постигнувам голови против екипите кои се одбранат длабоко во мојата половина, рече тој.

РБ е лидер во Бундеслигата, а Левандовски и Вернер се топ-стрелци.