Мицкоски: Универзалната сала не е само објект, таа е детство и младост на секој еден скопјанец, рушењето не е опција

И Претседателот на ВМРО-ДПМНЕ, Христијан Мицкоски денеска преку социјалните мрежи излезе со свој став во врска со реакциите за рушењето на Универзалната сала во Скопје.

„Универзалната сала е плод на солидарноста и еден од симболите на Скопје. И Скопје не секогаш ги имало најдобрите решенија, но секогаш имало душа и срце за големи работи. Салата не е само објектот, туку и спомените на скопјани и нема роден скопјанец чиешто детство и младост не се поврзани со Универзалната сала. Затоа нејзиното рушење не е опција. Ако некој сака да остави белег во Скопје, тогаш тоа нека бидат работите кои ќе ги создаде за Скопје, а не оние кои ќе ги руши.“, вели Мицкоски.