Стоилковски: Државната МИА целосно во функција на Заев и СДСМ, за нив опозицијата како и да не постои

Портпаролот на ВМРО-ДПМНЕ, Наум Стоилковски на својот фејсбук реагира дека државниот сервис за вести, Македонската информативна агенција, почна целосно да ја игнорира опозицијата.

Тој како пример го посочува денешното одбележување на празникот 8-ми Септември, односно игнорирањето на присуството на опозицијата на овие настани.

- СРАМОТА! Државниот сервис МИА ја игнорира опозицијата на секој можен начин.

Денеска на празник дури нема ниту една фотографија од делегацијата на ВМРО-ДПМНЕ на положување венци и искажување почит, до степен и пратеничката од опозицијата во собраниската делегација е во дефокус на пратеничката од СДСМ. (МИА фотосервис)

Ама Заев и СДСМ го има од сите агли и пози! Нема фотографија од опозицијата, не ни биле, разбирате? Приватна журка на СДСМ!

Ете тоа е разбирањето за слободни медиуми, овој квази- сервис кој што освен што го смени името, станува сервис само и само за СДСМ, спроведува цензура, менува интервјуа, шири нарачки од власта, а директорот вработените ги дели по тоа кои биле “хард кор вмровци”, затоа што биле затекнати таму! Класична поделба на политички погодни и непогодни, класичен политички прогон во новинарството.

Ни Д од демократија со СДСМ, ни С од слобода и слободна реч!

Јавен сервис! Срамота“- реагира Стоилковски!