Мизрахи, Димитриевска, Андоновска, Милошоски, Ковачки влегуваат во ИК, Мисајловски и Николоски остануваат потпретседатели

Новиот состав на Извршниот комитет ќ го сочинуваат потпретседателите Александар Николовски и Владимир Мисајловски, поранешниот пратеник Иван Иванов, како и членовите кои по функција се дел – претседателот на Унија на млади сили Сергеј Попов и координаторот на пратеничката група Никола Мицевски, истакна доцна вечерва Претседателот на ВМРО-ДПМНЕ Христијан Мицкоски по завршувањето на Централниот комитет на партијата.

– Останатите членови на ИК се Гордана Димитриевска Кочовска, која беше заменик технички министер во Министерството за финансии. Рашела Мизрахи, која едно време беше технички Министер за труд и социјала. Стефан Андоновски, кој досега беше советник во мојот кабинет. Марија Андоновска, докторант на стоматолошкиот факултет. Олга Лозановска, доктор и пратеник во Собранието. Понатаму Дафина Стојановска, која и досега беше член, Вело Марковски, Трајко Славевски, Владимир Ѓорчев, Драган Ковачки, Коце Трајановски, Кирил Пецаков и Антонио Милошоски, изјави Мицкоски.

– Во наредниот период ИК ќе биде проширен и со нови членови, нов генерален секретар, нов претседател на Унија на жени и нов претседател на Унија на ветерани. ВМРО-ДПМНЕ е столбот на државноста на Македонија. ВМРО-ДПМНЕ има една единствена цел, а тоа е победа на мафијата, неправдите и злото наречено власт на Зоран Заев, изјави Мицкоски.