Освен популизам, викендот без ДДВ нема никаква суштина, вели Арсовски

Димче Арсовски, портпарол на ВМРО-ДПМНЕ во вечерашната емисија Анализа на ТВ 24 рече дека мерката „викенд без ДДВ“ е популистичка и задоцнета.

Во однос на "викенд без ДДВ" мерката е крајно популистичка и нереална, но згора на тоа е задоцнета мерка, поради тоа што Владата вети четири викенди без ДДВ, а не еден. Исто така, тие четири викенди требаше да се случат во септември, а не сега во октомври, вели Арсовски.

"Граѓаните ги бараа викендите без ДДВ затоа што Владата им ги вети многу одамна и токму поради тој притисок, сега Владата попушти и реши да има само еден викенд без ДДВ во октомври. Тоа не претставува никакво олеснување за граѓаните, затоа што граѓаните во оваа криза не добија никаква помош од државата и немаат пари да трошат, а камо ли да очекуваат поврат на ДДВ", додаде Арсовски.

Владата дрско манипулира со проектите и мерките кои ги споделува низ јавноста, а граѓаните истовремено не можат да врзат крај со крај во месецот. Очигледно Владата живее во друг свет каде се е розово и народот има пари за расфрлање, а граѓаните во Република Македонија остануваат во сивилото и лагите на Владата, истакна Арсовски.