Милошоски: Дипломатијата во „аут“ неколку години без амбасадори во ОН, Рим, Загреб, Софија, Брисел, Анкара, Тел Авив...

Македонија праќа многу потценувачка политичка порака кон многу битни земји во светот, кои се и наши пријателски земји со тоа што во истите земји долги години нема амбасадори, вели пратеникот од редовите на ВМРО-ДПМНЕ, Антонио Милошоски.

- Околу три години сме без амбасадори и во срцето на дипломатијата како Обединетите Нации, а празни се и амбасадите во Москва, Пекинг, Њу Делхи и Рим. Дури четири години сме без амбасадори во пријателска Хрватска и во Египет, која е нашата единствена амбасада на африканскиот континент. Со Бугарија имаме битни политички прашања, но и економски интереси, но немаме амбасадор. Празни се за жал и амбасадите и во Белгија, Турција и Бразил, единствената македонска амбасада во Јужна Америка. За односот на Македонија кон Израел говори за жал и три години празната амбасада во Тел Авив, вели Милошоски.