Мицкоски: Заев, Филипче, баталете ПР, се работи за животот на луѓето

Претседателот на ВМРО-ДПМНЕ, Христијан Мицкоски преку својот фејсбук профил ја искоментира новата рекордна бројка на заразени со Ковид-19

- Заев, Филипче баталете ПР... Овде се работи за животите на луѓето. Македонија денес руши рекорди со црни биланси. 934 новозаразени, 420 заразени во Скопје. Велите дека е под контрола, а ништо не е под контрола, велите дека превземате мерки, а ништо конкретно не се работи. Велите дека го заштитувате населението, а хронично болните и утре ги терате на работа и ги ставате под ризик нивните животи, велите дека се грижите за здравствените работници, а не им обезбедувате макар бесплатни тестови за #COVID, велите дека има услови за избори во Штип, а со сила креирате корона кластери. Секој ден покажувате дека со оваа неспособна Влада дното одново се пробива, уште подлабоко. Ваквата неспособност не е повеќе за лутење, за жалење е, коментира Мицкоски.