Стоилковски: Ниту за министер ниту за медицинско лице е дозволиво кога Македонија регистрира 21 починат да си тера PR со папагали

Портпаролот на ВМРО-ДПМНЕ, Наум Стоилковски го искоментира постот на министерот за здравство Венко Филипче, кој на својот фејсбук профил објави видео од папагал алудирајќи на барањето на опозицијата за негова оставка.

- Денот кога смртта покоси, Венко Филипче од позиција на министер за здравство си прави и споделува забавни видеа на официјалниот фб профил.

Вакво понижување и непочитување кон човековиот живот е недозволливо ниту за министер ниту за медицинско лице!

Единствено важно му е останување во министерската фотеља!

Бесчувствителноста на максимум, нели Филипче?, коментира портпаролот на ВМРО-ДПМНЕ Наум Стоилковски.