Мицкоски: Еспреранто политичарите да не се дрзнуваат да си играат со чувствата на македонските граѓани

Ги предупредувам овие егзибиционисти во владата, овие есперанто политичари, да не се дрзнуваат да прифаќаат ултиматуми кои што се неевропски, бидејќи истите следната влада на ВМРО-ДПМНЕ не само што нема да ги почитува, туку никогаш нема да ги земе во предвид, порача претседателот на ВМРО-ДПМНЕ Христијан Мицкоски во неговото вонредно обраќање во врска со политичката ситуација и преговорите на Македонија со Бугарија во пресрет на одлуката за оддржувањето на првата меѓувладина конференција.

- Затоа ве молам, за трезвеност, ве молам за разум и трпение, Македонија, македонските граѓани заслужуваат меѓувладина конференција, заслужуваат отпочнување на преговори после сето она кое што го направија за Европа и европјаните. Македонија заслужува да биде дел од Европа. А до вас, егзибиционисти во мафијашката влада на СДСМ и Зоран Заев ве предупредувам да не си играте со чувствата на македонските граѓани и македонската нација, истакна Мицкоски.