ВМРО-ДПМНЕ Крушево: Градоначалникот на Крушево физички и вербално нападна член и активист на УМС,

Општинскиот комитет на ВМРО-ДПМНЕ од Крушево, преку социјалните мрежи информираше дека градоначалникот на Крушево Томе Христовски во центарот на градот физички и вербално нападнал член на Унијата на млади сили во Крушево.

Почитувани сограѓани, денес е нападнат млад активист од Унијата на млади. Нападот, кој е и физички и вербален, е од страна на градоначалникот на Крушево. Имено, таткото на градот, неможејќи да ги поднесува вмровците, почна да ги напаѓа јавно, среде чаршија. Нападнатиот Валентино Деспотоски, пазарејќи си в чаршија, наишол на непожелниот човек- Томе. Томе Христоски, навредувајќи го Валентино со зборовите „селанец, ропак, сега си Крушево“, го фатил за врат и му удрил шамар и клоца, заканувајќи му се дека цела фамилија ќе му ја сотри!

Настанот е пријавен во полиција, но довербата во институциите е изгубена. Згрозени сме од овој чин и јавно прашуваме дали градоначалникот на Крушево ќе ги сотрува сите вмровски фамилии? Очекуваме да бидат преземени сите соодветни мерки – стои во објавата.