Салах не исклучува трансфер во Реал или Барселона

Ѕвездата на англискиот шампион Ливерпул, Мохамед Салах, ја остави отворена вратата за негов евентуален трансфер во еден од двата шпански гиганти, Реал Мадрид или Барселона.

-Реал и Барселона се две големи екипи. Во овој момент сум фокусиран само на одбрана на титулата во Премиерлигата и освојување на трофејот во Лигата на шампиони, но никој не знае што ќе се случи во иднина, изјави египетскиот репрезентативец во ексклузивно интервју за шпанскиот весник „АС“.

-Колку време се гледам себе си во Ливерпул ?. Тешко прашање. Сакам да ги соборам сите можни клупски рекорди, но, во овој момент, со сигурност можам да кажам дека се е во рацете на клубот“, додаде Салах.