ВМРО-ДПМНЕ: За криминал, СДСМ да си погледне во сопствениот двор, таму ќе го види Заев, кој бараше евро за Вицето

СДСМ да си ги бараат криминалците во сопствената партија. Наместо да си ја бркаат мувата од капата, нека погледнат во сопствениот двор, а таму ќе го видат единствениот премиер, кој е аболиран за криминал.

Цела јавност виде и слушна како Зоран Заев бара евро за Вицето, а одговорност нема.

Медиумите објавија како Ден Дончев става туциња пари во ташна, а одговорност нема.

Нема постапка ниту за ШИК Јелак, ниту за Еуростандард, две афери заедно тешки 400 милиони евра.

СДСМ не треба да оди по далеку, доволно е само да го прашаат Заев, зошто судот не смее да го повика Заев и да го праша како парите од аферата „Рекет“ завршиле кај него?! Бидејќи тоа го кажа Бојан Јовановски – Боки 13, сега негов против кандидат за лидерското место во СДСМ, а претходно човекот кој ја носеше торбата со изрекетирани милиони.

Прилично е смешно, но и жално во исто време кога некој од СДСМ се обидува да збори за борба против криминал и корупција.

Со почит, Центар за комуникации на ВМРО-ДПМНЕ