Венгер: Мбапе можеше да оди во Арсенал бесплатно, бев кај него дома

Поранешниот тренер на Арсенал, Арсен Венгер изјави дека „топчиите“ можеле да потпишат со напаѓачот на ПСЖ, Килијан Мбапе, кога тој играше за Монако.

– Бев во неговиот дом кога тој одлучуваше дали ќе го продолжи договорот со Монако. Тој можеше да оди бесплатно во Арсенал. Мислам дека секој клуб е полн со такви приказни. Во Милано, Манчестер, Арсенал, Челзи, има вакви приказни насекаде, изјави Венгер за „beIN Sports“.

Мбапе пред ПСЖ настапуваше за Монако.