Кошаркарките на Крива Паланка славеа убедливо во двата дуела одиграни на вчерашниот турнир од Меѓународната Јадранска лига за девојки до 17 години, организиран од WABA канцеларијата.

Ова е дебитантска сезона во Јадранското натпреварување со долгогодишна традиција за кривопаланечкиот табор, а е отворена со двоен учинок во првите два натпревари од настапите во лигата.

Турнирот се одржа во салата „Бранители 2001“, Крива Паланка, а на програмата беа натпреварите од Д групата.

Во првиот натпревар КК Крива– ЖКК Вардар, Скопје, домаќините ги надиграа вардарки и остварија победа од 87-76. Во вториот меч разигруваа Вардар и Бадел 1862, а подобри беа вардарки кои победија со 88-81. Вториот дуел на домашните кошаркарки и последен на турнирот беше со екипата на ЖКК Бадел 1862, а во истиот доминирајќи од почетокот на натпреварот, паланчанки го имаа водството во текот на целиот меч, а крајниот резултат е 90-69.

– Работевме во континуитет на подготовка на целиот тим, девојките играат и тренираат заедно повеќе од седум години, компактни се и имаа силна желба за докажување. Иако речиси една година пандемијата ги редуцира натпреварите во континуитет,кои се клучни за добра воиграност и натпреварувачки ритам, тоа не се покажа на двата меша вчера. За овој турнир, она што го дозволува лигата, имавме и дополнување на тимот со два играчи, ОД ЖКК Струга 2009 и од ЖКК Трокал, кои иако одработија само неколку тренинзи со тимот, одлично се вклопува и резултатите се видливи,за што им честитаме на девојчињата со кои се гордееме,без исклучок,со сите што беа дел од тимот, посочија од стручниот штаб на КК Крива, во состав: Мирослав Ивановски, Ведран Белешковски и Владимир Ѓоровиќ.

Следниот турнир е на крајот на месецот, се игра во Подгорица, Црна Гора,а домаќин е ЖКК Будуќност Бемакс.


Администратор
01/03/2021 11:30