Николов: Го повикувам Филипче на дуел, да видиме колку „цветаат рози“ како што се фали во секое интервју

Докторот Игор Николов, преку својот фејсбук го повика министерот за здравство Венко Филипче да се одважи и да прифати ТВ дуел со него, поради како што вели, „цветањето на рози“ во здравството во Македонија при секое негово гостување на телевизија.

- Перцепција е дека во здравството цветаат рози. Перцепција е дека добро се справуваме со кризата. Немаме вакцини, но успешно ја менаџерираме пандемијата.

Ситуацијата е под контрола, но ќе ја реактивираме Модуларната болница и клиниките во зградата Интерна медицина.

Имаме голема смртност, но сме оценети како едни од најподготвените за справување со пандемијата.

Министре, до кога ќе избегнувате дебати и ќе се самофалите дека добро се справуваме со пандемијата.

Ве поканувам да размениме мислења и да продискутираме каде сме и до каде не доведовте.

Охрабрете се, пишува Николов.