ВМРО-ДПМНЕ: На Заев и Филипче приоритет им се провизиите преку фантом фирми, поради тоа Македонија има 3.265 починати од КОВИД-19

На директна штета на здравјето на граѓаните единствено работи СДСМ и Зоран Заев.

Од декември месец во соседните земји е започната масовната вакцинација, а во Македонија стагнира поради Заев и Филипче.

Македонија стагнира во процесот на вакцинација против КОВИД – 19 бидејќи Заев и Филипче во се гледаат провизии.

Скандалот објавен во „Ла Верита“ потврди дека на Заев и Филипче поважни им се парите и профитот, а не здравјето на граѓаните. Поради алчноста по пари Заев и Филипче на душа ќе носат 3.265 човечки животи.

Додека граѓаните умираат секојдневно, Заев и Филипче избираат фантом фирма посредник за набавка на вакцини од Кина, истата била наведена и во писмата испратени од Венко Филипче.

Поради Заев и Филипче, Македонија е на црна листа по број на починати од корона на милион жители, на дно на листите по набавени вакцини. И сето тоа поради личните интереси и алчност, сакал преку фантом фирми да набавува вакцини од Кина.