Финалето на германскиот фудбалски куп без гледачи

Финалниот натпревар во националниот фудбалски куп на Германија, втора сезона по ред поради пандемијата на коронавирус, ќе се игра пред празни трибини, соопшти денеска Германската фудбалска федерација (ДФБ).

Финалето е закажано за 13 мај на Олимпискиот стадион во Берлин.

– Поради мерките кои се во сила во градот домаќин на финалето, невозможно е да се бара присуство на навивачи на стадионот, се наведува во соопштението на ДФБ.

Првиот финалист ќе биде познат на 30 април кога Вердер игра против Лајпциг, додека следниот ден е втората полуфинална пресметка меѓу Борусија Дортмунд и второлигашот Кил.