Реал не се плаши од одмазда од УЕФА

Реал Мадрид со рекордни 13 европски титули, во вторник го пречекува Челзи во полуфиналето во Лигата на шампиони во време на тензични односи со УЕФА и закани од нејзиниот претседател Александар Чеферин за можно исфрлање на „кралскиот клуб“ поради формирањето на Супер лигата.

Одговарајќи денеска на прашање на прес-конференција, дали очекува УЕФА за натпреварот во вторник да делегира судии, кои ќе судат на штета на неговиот клуб, тренерот на Реал Зинедин Зидан рече дека не верува во такво сценарио.

– Не сум загрижен поради судиите во претстојните полуфинални натпревари во Лигата на шампиони. Изминатите денови можевме да слушнеме многу работи за сè и сешто, но уверен сум дека судијата, какои секогаш, ќе работи во корист на фудбалот, изјави Зидан.