Мицкоски: Ако Делчев денес беше жив, Заев и компанија ќе го прогласеа за антизападен

Претседателот на ВМРО-ДПМНЕ, на својот профил на „Фејсбук“ ја одбележа годишнината од смртта на Гоце Делчев. Тој напиша дека ако Делчев денеска бил жив, ќе бил прогласен за антизападен од оваа власт.

„Ако Гоце Делчев денес беше жив, сигурно ќе беше прогласен за антизападен, ќе беше скандализиран, омаловажуван.Зошто? Затоа што тој е сѐ што денешната власт не е. Огледало на нивниот недостаток на морал, недостаток на патриотизам и љубов кон Македонија. Затоа од неговото име се плашат и денес. Затоа што Делчев пред сѐ е љубов, патриотизам, пркос, слобода. Тој е најдобриот син на Македонија!4 мај не е крајот, туку почетокот на живата легенда, но и завет за Македонија! Слава му!“, напиша Мицкоски.